الى كل محبين الشعر الشعبي . حبيت ان اتحفكم في هذه المساجل الشعريه وهي
قصيده بدع من الشاعر الوالد علي محمد عسكر البكري. ويليه الجواب من الشاعر الكبير حسين احمد بن سواده البكري . وكان تحرير البدع في تاريخ ١١/١٠/١٩٩٣ ميلادي قبل حرب ٩٤ بفتره قليله .
البدع من الوالد قال فيه
...........
يقول ابو عادل علي ما ارتاح شي في مقعده
لا عين له نامه ولا قلبه هدئ في مرقده
باطل وفيني قهر من ذي يختلف في موعده
الصدق ضيعناه والكذاب هو ذي شرده
بتذكر الماضي وشفت الحاضر الي نشهده
كأنه قوانين القبايل كلها متوحده
ما يقبلو باطل وهم مثل الجبال الصامده
يتماسكو بيداتهم وقت البلاء متواجده
والآن في ذه المرحله حبالها متعقده
شيب بها راسي وعاده قبل فتره مسوده
اتغيره ليام ووضاع اسياسه هامده
بشوفها فوضه وبنشوف الحكومه بارده
يمشو بيد الغير ما واحد عرفنا مقصده
والله ما واحد تهنينا بماء من مورده
قم يا رسولي شل خطي لا الطرق متباعده
لا عند ابو حيمد وصحه لا عيونه راقده
قله سلام آلاف مالجااهم زجم في راعده
ما ترخي المزنه في الماطر بموسم موعده
صاحب معي وقت البلاء ودايما بتفقده
وهو بينساني ونا والله ما انسئ واحده
لاكن حنبنا في زمان الويل مقدر حدده
بضاعته تيون وماهل دايماً بنجدده
ونا وقلبي في جدل بالحكم كيف افنده
معنا عيال اتوام منهو منهم ذا اجمده
واعذالهم واجد ومني ايقوم بالمتنكده
والشعب متخلف ويا كم به قوئ متمرده
ي حسين باصرني برا كن الطرق متباعده
سهران ماشي نوم واعياني بتمسي قاهده
عاد الرمايه باتبئ رامي وبندق زاهده
ولا عرف شله ولا فكره يعدل شاهده
ونا مع اصحابي وذي عاده صديق اتفقده
باقول حيا به وعاني باسئله واتنشده
ختمتها بالمصتفى ذي قامه الله واسعده
قامه على الكفار وبالإسلام هو ذي أيده..
الجواب من الشاعر الكبير حسين احمد بن سواده البكري 👇
ابديت بك يا فالق اصباح العضاه الخامده .
منك حياة الارض ونشئت السبول الناجده .
من هيبة الخالق حيود الارض جمله ساجده .
لا له شريك جل ملكه ما اراده وجده
هو ذي خلقنا واكتفل بالرزق منه ورده
يعطيك من كفه كريم الجود ما يخلف عده
ما انسان لا قلت اادني صيح لواحد يشهده ..
بيسي لك الموعد وقال الدين حقي سدده.
ثم قال ابو عادل حسين امسيت فرش لبجده
بالضيف ذي عاده وصل عندي وقوله اكده .
حيا ابن عسكر من صميم القلب ذي ماله جده .
بك الف حيا من صديقك ما طلبته وجده
معتوب لتخليت منه كل يوم اتهده .
منسا قباله لا يراجلني كلامه بزهده .
حتى ولا انا ابطيت من عنده عسى الله يسعده .
ساعه بيرشدني وبعض اوقات انا ذي برشده .
معروف قولك يا علي وكل ماانته تقصده
ذي بك قهوه بي ما معي فاقه بقولي ردده
جبع على كبدي وانا ونته سوا بالمنقده .
مابك ربي ذي بي امانه ما معي غير الهده .
ياصبر و الله با يعجل بالفرج واتحمده
وانهوه علاذه لا سقى بخت النكد كيف ابلده
صاهرت خس الناس ذي ما يستحق السيده .
زوج النكد ما ادا لها قرني هرد تتهرده .
كم عادن اخوته ولا بيسمع كالام الوالده
كوده لبطنه ما شبع ذي كل ثلتعشر رده .
ما ينفعك ذي ما نفع نفسه وضيع منجده .
قله علاذه يستحق البرد لصبح يجلده
نجمه سقط ذي ما معه ساعد قوي با يسنده
عادك غبي من ذي برا يا صاحبي لا تحسده .
لا ترتبش وش دخلك تسال على ذي هم لده .
ريتك تراء كم عادها كلا بيقراء مولده .
كم ناس من مثلي ومثلك ضاع ذهنه وفقده .
خاشي لعاتوكل حقايبها وضله ترمده .
من راس جوفي يا علي بالميه بخرج واحده .
وانته كذا بالمثل لا تفتش مغطا بنده
ضايقت حالي وارتبش عقلي وفارق مقعده .
واتهليمه بقعا وعاده فوق ذي هوه به زده .
والختم صلو ع النبي ذي حبه الله ورشده
اخر نبي ذي عزه الخالق ورحنا نعبده
........ ....
