وهذه قصيده للشاعر المرحوم الشيخ محمد احمد بن علي حيدر القاضي البكري
وقد ارسلها لعاقل خلاقه محمد قاسم الخلاقي ولم نعثر على الرد
نستفتح القول نتوكل بمن يعلم === وهم الخواطر وسر القلب واعلانه
الواحد الفرد من يعلم ولا نعلم === ما قدره كان جل الله سبحانه
هذا وصلي وسلم عدد ماترنم === حادي المطايا وزاد الشوق لوطانه
عالمصطفى كل ماليل العشي دلهم === وما لما بارق الملحي من امزانه
ثم قال اخو ناصر احمد هاجسي هيم== كم له سنه من بلاده فارق اوطانه
واليوم يامرحبا به جلسته تغنم === وان غاب عني تبات العين سهرانه
ذكرني الوقت لول كم مضى به كم === من الرجال المشايخ راحت اقرانه
واليوم ياقلب اخو ناصر كن اتنسم === وعبر الوقت كلن عاره ازمانه
وبعد قم يارسول الخط وتلزم === في خط منظوم ينفح مسك عنوانه
من دار قاضي بناه الجد وتحكم === على التقى والنقاء مبناه واركانه
والحلم والعلم والناموس مايعدم === ما ينقطع سر اهل العلم و اوطانه
حلال قاضي وبعده ناس ماتشتم === يوم اللقاء بلغوا قوله وميثانه
والوصف لا حد وصف نفسه رجع يندم == قد كلن اعرف بنفسه كيف ما كانه
لا تحقر الخصم يالعارف لعا تأثم === من هان خصمه فلا يلتام لا هانه
مأواك قرية خلاقه وامس وتنسم == في دار عاقل نسم للضيف ديوانه
مايذبح الا كباش الضان ما تدسم === ولا يعول على مازاد باثمانه
وابلغ سلامي عدد مالجاهم اتلملم === وارخه شخوبه وحاز السيل وديانه
الاف بألاف عداده غلط من كم === ولا قدر يحسب ارطاله بميزانه
بالمسك ذي جاء من اسطنبول يتقسم == وعود اصلي وصل من وصت دكانه
على ابن قاسم ولأخوان وابن العم== ومن حضر كلهم كلن بقنوانه
وان قال علمك فقول الشور ماتنظم == جاء وقت ماحد عرف زيده ونقصانه
كن خالط الناس بالمعروف كي تسلم == واصحب من الناس ذي للعز صوانه
وقل ان قصدنا الفتنه بحيد اصيم == مثل اهلنا مثل تاك الناس ذي كانه
بانرفع العيب والمعيوب بكاس أثلم == لا جاء قبيلي فرع والناس مصتانه
كن راجع الفسل يالعارف لعا تغشم == الفسل كنه ظهر ماليوم برهانه
ان جه عوافي تقول ان ذا نمر ينهم == وان شب بلاء سرح البندق بلا زانه
افعل وغيرك يخبر من علم يعلم == خل المحاكي على الله كيف ماكانه
كم جيد في وقتنا كم ياحقر واندم == وكم وكم فسل من صوته ظهر شانه
ريته حضر يوم ضلأ الصف والمرجم == كان أيشوف الميازر بيد رميانه
ذا ذي صدر وانت اجمع كل من يدرم == من عنده الحق ما يظلم بميثانه
من دين الجيد في وقت القضاء سلم == وصاحب الوجه يقضي كل من دانه
كن الحياء قل والناموس بايعدم == وأهل التجارات كلا باع ميزانه
والختم صلوا على احمد كل مادلهم == ليلا وماغرد القمري على اغصانه
عليه صلي عدد مالبارق اتبسم == وما رعد راعد الملحي من امزانه
