بدع وجواب صالح التومي وعادل حسين

بسم الله الرحمن الرحيم
قصيده بدع من الشاعر المرحوم عادل حسين احمد بن سواده
الى الشاعر صالح على احمد التومي

عظيم بك نكتفل يا من على العرش صابر=انت الاه الوحيد
ناسألك ادعيك يارحمن عالارض ماطر=البرق به والرعيد
وشفق بنا من عذاب النار في يوم ناضر=يوم العذاب الشديد
نهار تحرق بنارك كل مشرك وكافر=ماتخلف انت الوعيد
سبحانك اغفر ذنوبي انت لذنب غافر=تغفر ذنوب العبيد
فالحمد والشكر لك مني عدت كل طائر=يامن خلقت العديد
هابعد ياهاجسي جبنا القم والمساطر=لاشي معك لي جديد
لوكان عندك خبر باسجله بالدفاتر=جاهز ومبقا تعيد
انزاد سعر السلع وايش اتبانا لخابر=رعه عصدها عصيد
قد حمل الشعب فوق الراس والدخل فاتر=والناس منه همير
ذي خرجه اكثر من المدخول بيجيه ناصر=يحسب وعاده بعيد
يقارن الدخل بالمخروج لو كان شاطر=ويشوف كم يستفيد
الفصل لول خرج والثاني اقبل مباشر=منه يذوب الحديد
اشعل لهيب الفتن حتى وصل عالمنابر=بالكير شب الوقيد
جاب الحطب والسك المكريب سوا مناكر=وسجله يوم عيد
يوم افلت الضمد يتناطح وقد كان سابر=بالتلم سابر عريد
بتول خربان يفلتهن وعاده يناكر=لا شافهنه رميد
ظالم وكذاب رخا الحبل ماسا المعاصر=وحقق الي يريد
والطين ملها شجر والسوم كله مفاجر=لبتال منه شريد
صالب ومهمل بترعاها دواب المحاشر=بيوكلين الرصيد
الظلم جابوه لاراحه والاامن وافر=وضّف حماره عقير
حدا بمكتب وحد قائد وحد عالمعاصر=والبعض قالوا عميد
ياهاجسي بس يكفي خل لاشي تفاصر=برسل بها عالبريد
واجب تصل كل ذه لقوال لايد شاعر=يعرف بهرج القصيد
لايد صالح علي يقراء جميع المشاعر=ويكمل الي تريد
رجال وافي يعز الضيف لاجاه زائر=بي سي وقا عالوسيد
ياصالح الليل طول مالقيت المسامر=ممسيت ليله سعيد
زاد الالم زاد والحرقه وذلحين ساهر=تمسي عيوني قهيد
ساهر في الضلمه الادرا رع القلب ضاجر=وحدي وانا يانهيد
هذا ويدهم سلامي لك مع عطر فاخر=يرتش به كل جيد
والالاف صلوا على المختار ذي جا محاذر=من حر يوم الوعيد
تمت في2005/6/7ميلاديه

الجواب

يالله يارب ياعالم بباطن وظاهر=وكل شي لك سجيد
ياخالق الارض والسبع السماء وانت قادرا=تحيي العظام الخميد
استر على امتك يارب ياخي ساتر=من غير بك تستعيد
والا تولي علينا ميتين الضمائر=اهل الحسد والمكيد
وانا حمدك مارعد راعد وما شن ماطر=وفاض من عالجنيد
وبعد يامرحبا متنطقين المصابر=من وسط سود الجريد
ترحيب وازن جبل يافع وصنعاء وصابر=ومن عتق لازبيد
ومن تبن للمخاء وابين ولحج الخضاير=ذي يزرعين الجعيد
بخط عادل حسين احمد وصل ضيف زائر=بانطرحه عالكشيد
ونكرم الشاعر البداع من خير وافر=وحسب اصول العديد
الوقت كله عبر يالقلب عالظلم حاذر=ومنه بعد بعيد
من يظلم الخلق يوخذ مصرعه عالظواهر=ماحد بيذراء بايد
اليوم ياهاجسي خليك جلهز وبادروضرب عصا من حديد
باشر هجومك والاترحم قيادي وتاجر=ارمد بهمه رميد
شعب اليمن مبتلي بالفقر ماضي وحاضر=يعيش دائم نكير
ياكم يحصل هوم ياكم يحصل مواهر=من جور سعر المويد
جرعات متواصله ماشي لها اول وآخر بكل ليله تزيد
لن السبب والعلل من تحت روس الطراطر=دواب بوبك سعيد
يكذب والايستحي يسرق والاهوبفاكر=قصده يروح فويد
المشكله بالضباء حاد خلهمه كناغر=والجيب مابه رصيد
بتكعفون الجرع مثيل طعن الخناجر=او قطرات مثل الاصيد
مابن عمر قد بشوفه بات وسط الشواعر=بي سير سيره رويد
ياباطلي بالبواطل جاتنا ام السواحر=وضيعه بالضمير
وقاعده بالذي قد كان بارز وكادر=وكان مخلص وجيد
بالباشق اتمسكه وكدفه بالجواكر=بالحزب او في اشيد
تغير شامل وكامل في جميع الدوائر=ماباقي الا النشيد
واليوم قائد والا يعرف يصيغحاضر= الموعطاه رتبه عميد
حكومة الويل تدعم شعبها بالذخاير=وتصامخوا يالعبيد
وحيه جثث هامده كم ثار بين العشائر=من صاد صيده يصيد
والجهل والحوب زارع والمشاكل تكاثر=كما انها لحم عيد
لا الراس خربان ماينفع علاج الدكاتر=عبر الغرب بالوريد
هابعد يامرسلي تعزم في الصبح باكر=والناس نائم هميد
ماواك لادار متعلي على حيد جابر=بيت الكرم والقصيد
سلام بالمسك جاء من مصنعه عالبواخر=من روسيا والسويد
وقل لعادل جباك الرد لوكان ناظر=خذ مخلصك ياوليد
هذا جوابي ولو بالرد زائد وقاصر=اسمح لنا يالحفيد
والختم صلوا على اول مبشر واخر=مولى الصفات الحميد

تمت2006/2/10ميلاديه