بسم الله قال الشاعر بسم الحد ثما بسمي
بسم ابن الجنوب المحتل بهتف به من اول كلمه
بسم الي حضر لا الساحه من اجل الحراك السلمي
ماذي ماحضر قولو له لا ترخا عليه الحزمه
لاكن ربما ذي شجر لا تحته ذلح له عرمي
وبيحسب قهو من جملت ذي همه معه بلبرمه
والله مايوطي راسه لاجده قبيلي نشمي
حتى عاده ايذكر من خاله ومن هو عمه
ولا ذكره يالهاجس ذي ذهنتني من نومي
قله عيب لا يستسلم ويقع لي نمر بديمه
مانا لاخسرته عادي ماشي بايقلل عزمي
ماهن قلت له لا يجلس للغازين تحت الخدمه
حيا بالبطل ذي كبده من مثل الحجار الصمي
ذي لا مات بقرب لحضه مايسخى يضحي بمه
كم من ذه الصناديد احسب مقدر عدهم واسمي
خايف لارتبش ونساء حد عند الضرب ولا القسمه
بدي عدكم بالاسما لاكنه رعوني امي
عادي لاقصر تعليمي عندي للكرامه قيمه
التشطير من ذلحاله عند الحر واجب رسمي
يرحل ذي على كاهلنا طلعناه لعلا قمه
سلمناه دوله كامل لايده وحلال
دمي
وش من شرع هومن معبر او هو من مقاهي ريمه
يقنع من عدن ذي ضلا ومساء لاعليها يرمي
دحق ماوقع بالاردن بالمدفع نهاية حكمه
له سنحان لاتقصينا وشطر الجنوبي قسمي
هذا مقترحنا الحاسم ياذي مارعيت النعمه
قلت اني عدو ورهابي والعالم بتعرف بسمي
قولوا منهو الارهابي ياذي تعرفون الذمه
وخنزير منهو قولوا والدكتور يفحص دمي
مابع لعرفه بالخالص ذي حرم علينا لحمه
اصلي شافعي بوراقه ماشباه يخبط رقمي
ماحد مننا بيصلي بالما لاتغير طعمه
هذا من سنن بديها دايم وديانه حلمي
عودني عليها ذي له بركن اليماني قسمه
من ذي عاصحيفه صلح حمله
والسفير المحمي
كمن جيد عالبوابه لقا للمعبر جسمه
ضله عالبشر تتشاخط مثل البرق لمسا يلمي
وين الأمن ذايحمينا واين العدل واين الحكمه
عهدأ ياشهيد الثوره يالي بحسبك من لحمي
مالنساك يومأ واحد حتى للبنادق صيمه
يكفي لاهنا ياالمولا يارب احمني من خصمي
يالله ذي حميت الكعبه سالك كل مضلوم احمه
