يا مطلق الباب المقفل

هذا الشاعر الكبير محمد ناصر مجمل الله يرحمه ويسكنه فسيح جناته ويرحم موتانا وموتاكم

يا مطلق الباب المقفل= عبدك طلب جودك ويسأل

واجعل معيشتنا مسهل= من كف مداته سخيه

يا عالما ما القلب أمل= وكلما نخطى ونعمل

من خير والا شر نفعل= استغفرك من كل سَيّه

ونحمدك ما الماطر أهمل= ودَنْ عا لوادي وسيّل

حمدا كثيرا ليس يكمل = ماتهاملت في الرخيه

صلوا على احمد خير مرسل= ذي حبه المولى وفضل

ما يقرأ القاري وبسمل= وعد ما تطلع عشيه

يقول بن ناصر مجمل= يا راسي الليله تزمل

طاب السمر والهاجس اقبل= وهز فوج السامريه

وهاجسي عاده توصل= ودّي خبر جاوه ولندل

والروم لما ارض لهدل= ولا البحور الداخليه

وقلت يا حيا ومسهل= بالفوج ذي جاني مرسل

طرَّح معي مَهْرا مفصّل= واقوال ردتها بتيه

وقال حرب السيف مُسْتَل= ما تحتصي ذي فيه تقتل

و الحكم والمهرا تعطل= واتخسرت فيه الرعيه

قلب المولع حن وازجل= وثوب بيحاني مذبل

مولى الجده سرمد منيل= وانذل من يده خليه

يا خاطري كنك بتكلل= خليت قلبي نار تشعل

ويش آيرد الوقت لول=وتاك لوجيه الرضيه

واصبر على ما هو منزل= والله كافل من توكل

بعبِّر الساعه مجلل= واموت والذمه بريه

لا سرّح الشعلا ولا أحمل= ولا بجيب الهرج لشدل

وان قلت كلمه ما تميل= شف من نطق كلمه وفيه

بحنق معي شامخ محذقل= فيه الميازر والمسيل

وبه رجال الموت لزول= ذي ما يهمون السريه

لا اتكلمت هرتي و جرمل= راسي حمي والفسل ينذل

سعفي عول بالشر تحقل= بحضر بهم في كل ليه

والجيد ذي يصرف وشكل= من قبل لا يقتل ويقتل

وان جاءه الباطل تحصل= وتصبَّح العوجا قديه

واوصيك زل الناس تـنزل= ولا انت في مجلس تثقل

ذي ما عرف للهرج واثقل= ودَّر ضُماره والتكيه

والثانيه من ما تعدل= ومد للميحه وطول

ما يدري الا لا تخنذل= والاّ دخل سوق الركيه

والثالثه من ما ترجل= فرط بحقاته وسجل

وبعد ما يخلا وكمل= وجهه مع يخرج وقيه

وآحذرك لا تصحب اخذل= ولا تصادق كل مختل

وانسان لا قد قال بطل= ولا معه للشي بقيه

ووصيك بالدنيا تبتل= كل من معه تركه تجمل

ومنها يأكل وأكل= وكلمته سرمد قويه

ذا ذي به الشاعر تقول= وجابه الهاجس ووصل

ما خالفه لا قال منزل= وكلمة العارف وصيه

صلوا على احمد خير مرسل= ذي حبه المولى وفضل

ما يقرأ القاري وبسمل= وعد ما تطلع عفيــه