كلمات المرحوم الشاعر الكبير محسن محمد الاشطل القاضي البكري=
قال ابن لشطل مهل يا ايه المعشر = خلوني ارتاح من ذا الوقت من شره
الوقت ذي خان فيني عاب بي ونكر = واهله عمد ينفخون الكير والجمره
الوقت ذي غير اهله بعد ما تغيـــــر = مناكره ما لها حصواء ولا حصره
لوقلت باصبر كم الانسان بتعبــــــــــر = مادام زيد السليماني نفذ صبره
صبرت يازيد مثلك بالدبل واكثــــــــــر = رثالي الحيد قال اهوين ياحسره
لو حد وصف لك فلا حد مثلي اتصبر = لا زلت صابر على الداميه والوجره
قالوا الناس مالك ليش ماتشعـــــر = جوبت قلت الزمان احترت في امره
ان جيت با قول شي قالوا رجل مغتر= ولوسكت اتهموني زور بالكبره
سويت نفسي غبي من قولهم واصور= زادوا ضايقوني ضيق بالمره
ماذا الذي قول في هذا الزمن لقور = ما شافني في عيونه كلهن دفره
ياريت لوصحت يسمعني علي حيدر = جدي علي حيدر المرحوم لا قبره
با قول له قم وشف في عينك المنكر= ولا اخبر اهل المجنه علم ذا الفتره
قل ذا تخلط بذا والملح بالسكــــــر = عسل على غاز كيف الطعم ياخبره
ذهب ومعدن تخلط به نحاس اصفر = والعوبلي ضاع والعوكب طلع سعره
على كذا الحال والمحتج يتسعـــــر = او يلزم الصبر لو ماجاز له سعره
قلنا لهم راح وقت الظلم و المنكر = ولعاد سامي بريطاني ولا زمره
ولعاد سلطان طاغي بالوطن يذكر = من المكلا ولا الضالع ولا النجره
لا شرق بيحان لا الفضلي ولا لودر = ولحج بالمثل والكادح سطع فجره
لكن أسف رغم هذا ما حد اتعبر = حرام ياناس طعن الأخ في ظهره
لو تطعنوه في صدره جهر كان اخير = من اجل يعرف غريمه ذي طعن صدره
باحن واقول جاوب ياثمر لعصـــــــر = ايضا وردي معيا ياعطف حمره
حمره بها كمن احمر عين قرن اعصر= أسود تلهم وكمن شهل في وكره
وحنا بني بكر لبطش مثلهم وعسر = وكمن الهيج طعناه في نحره
مانرحم الخصم عند الصدق لو جا االشر= لبطش ولنهب ونسحق من نوا شره
قم يارسولي صباح الخير وتنشر = وطلع في الميج له صاعق وله صره
من عند شاعر بيعرف قدر من قدر = ذي حل قربة بني بكر واضح الشهره
سدة يفاعه زمان القبيله والشر = أجدادنا سجلوا تاريخ في سطره
مر الهواء يارسولي سعف من سافر= راسا على طول لا يمنه ولا يسره
توصل بلاد أهل سعد الساعه احد عشر= متلبس الخنجر المحجون والوزره
تراث جدي وابي باقي وبه نفخر = ما حد بينسى تراث الجد او ذكره
سلم كتابي لزيد ابن النمر لبتر = لبن سليمان سلم له ملا قصره
ايضا وبلغ سلامي ثورة اكتوبر = بفضلها اتحرر المقهور من قهره
وبلغ سلامي لثورة شهر سبتمبر = اجمل تحيات ما فوج الصباء مره
