الشاعرالقاضي/ احمد علي عز الدين البكري,
يالله يارباه يا فتاح بوباً مغلغه
يامطلق المحبوس ما غيرك لحبسه يطلقه
كفيتنا شر الأذايا والذنوب الموبقه
هو خالق ابن ادم من الماء وكرمه هوينفقه
وقدر آجاله ورزقه قبل راسه يخلقه
والفين صلى الله على احمد ما تفز الفاتقه
ما ثور الجاهم برعد اخجم ولحلح بارقه
واصحابه الأخيار ابا بكر الفتى ذي صدقه
وعن علي نصرت محمد يوم نشر بيرقه
يوم التقوا مسلم وكافر واليهود اتوافقه
يشيب راس الطفل من طعن السيوف المفتقه
صاح النبي هو حد علي مولى الحصان المحدقه
جابه علي لبيك ودا صوت عالي يزعقه
خلا جيوش الكفر من راس الخيول اتنذوقه
وراس مرحب قطعه واللحم منه فرقه
والباب شله فوق راسه والحصون اتدقدقه
وبطلوا لديان واديان النبي متوثقه
باوصيك ياقلبي وصيه واستمعها وافتقه
شف لوله خمسه فروضاً على العباد محققه
وفي زكاتك زك مالك واعبد الله واتقه
ذي ما يزكي يمحق اديانه وحقه يمحقه
من بعد قم ياطير ذي بالجو ماشي يسبقه
اسرح من الدار المربع ذي بناه ووثقه
سلم على احمد ابن بوبك في شمطري حقوقه
صدرت له لبيات قل من شي ملامه تلحقه
قل له يش القاف بالهاء يحذر الها تسبقه
ثم قال ابو ناصر عيوني بالدموع اتزافقه
ظاقة عليا الارض واطراف الكبود اتحرقه
وانظاقة الروميه وقفال الوزن اتطابقه
من عدم ناموس القبايل والمشير اتفرقه
لاذي بجوف احمد على صم الحيود اتشعوقه
باطل على لصباح ذي كانه مدنه مورقه
اتيبسه وأشجار ثاني بالزهور أتفتقه
يااهل السياسه والرياسه ما تفيد المحذقه
راحه بكم لنذال رحتوا بالحيل والزندقه
المحذقه كسب المخمس والعدد والبندقه
والصعدي المصبوب عندك للجيوش اتوافقه
متى التقوا ذولا وذولا والقلم له زعوقه
كما انها بوطا القبائل بالحما لااتحامقه
ينزاد راس الجيد لا عكر المخمس حلقه
ما الفسل بالهدات يشحن بندقه لا المعنقه
هذا كلامي واسمعوا ياهل الذبيل المعلقه
لا الخصم يهرج قبل هرجك ضم هرجه وسرقه
ان جا سوا جوب سوا وانه بحارق حرقه
وبالفتن لاقد زقرته فالحذر لا تطلقه
لاما حسب وجهك حسبته حيش رجلك ودحقه
والحق لا لك حق ماشي بالحقوق محانقه
خذ حق واد الحق لاشفت الحكا في مطرقه
وان شفت حكم الميل او بعض الوساطه نافقه
قلبتها قلبه بقلبه قبل حكمه ينذقه
لاحد يقلبها بباطل من ملامة تلحقه
وخسر على حقك بحقك بالقروش الدقدقه
ومن فلج بات الفلاجه حمحمه في مفرقه
ذا قيل ابو ناصر ومنع القبيله في مفرقه
والدُر والياقوت واللؤلؤ خرج من منطقه
وبثري اربع مية رامي يهلكون المورقه
وكل رامي عرضه العواد عوده يزرقه
لاثار باديهم تجي من كل وادي تدهقه
على كذا فعل الجمايل والجميل امسابقه
والختم صلى الله على احمد ما تفز الفاتقه
ما ثور الجاهم برعد اخجم ولحلح بارقه
