(وهچ الذهب)
✍ابوهاني بن غرامه البكري✍
يالمــعة الماس ياوهـچ الذهب لصفر
يانــــور ليلي وغِـنديلـه ومـــصباحـــه
يانــفخة الفُــل والـــكافــور والعـــنبر
ياطَــل ينساب من واحـــة الى واحـــة
ياحِـلم يكِــبر مــعي، وأنا مــعه اكـــبر
حُــزني لحُـزنه وافــراحي من افــراحه
يامــن اذا غــاب اثّــر وان حضــر اثّــر
احـصد خسارة غيابــه واجني اربـاحه
ه
ياصـوت بلبل تـرنّـم فـوق عود اخضر
لا هــز نسناس شمّــر يـفرش إجناحـه
حديثه العــذب احلا مــن حلا السكــر
والريق مثل العسل والمبسم اجباحه
من طِــيب الانفاس اتـطيّـب واتـعطـر
واكــحل عيــوني برمُّــانــه وتفُّــاحـــه
انام في لــيل جَـعده واللـوسن يسهــر
وأهــيم في لــون ديجــورة وإصباحــه
بـْـرق المخيله بــعينه والشفق لحمـر
ومُـزن هـتان في دعُــج الحــوّر لاحـــه
في حضــرته ذاب ليـل الحـزن واتبخر
وشــع نـــور الهنا والانـــس والــراحه
ابــحـر معه في خيالـه حيثما أبـــحــر
وانصب شراعي متى ماتعصف ارياحه
نهـــر الـوفاء من جـداول منبعه دفّــر
وأنعـش ربيعي أريـج ازهـار فــواحــه
له بالـحشاء قـصــر يتــعمر ويتــعمر
وقُفـل قلـبي بيـده شــــل مـفتاحــه
اســـري بمســراه لااتـقدم ولااتـاخـر
رفيــق ظلّـه بمسراحــه ومـرواحــــه
