قصيده بعنوان ( وعد الحر دين )
✍/ الشاعر خالد عبدالقوي موجر البكري
..
ياهاجسي من صباح الخير رد النشيد
ونظم قصيده أبوحمدان قد جابها
وترجم احساس شاعر لانظم بالقصيد
من بحر هايج نظم لبيات ذي صاغها
عن الاجازه وعن شهرين عندي رصيد
محتار عايش بحيره ويش سوي بها
لاقلت ببعد عن اولادي وبشرد شريد
يمكن رصيدي يخلص دون لاشعربها
لوما غتنمة الاجازه وشتريت المفيد
باكون ندمان علي ضاع في قربها
الايام تجري ونا دور لها من جديد
لافاتني يوم بسأل ليش ماشفتها
سنه مضيع في الغربه وخلي بعيد
ونا معذاب في الغربه على بعدها
بس المصيبه بوقت القات ذي هو عنيد
كم هي ليالي وناضايع وخليتها
بنظم لاشلة التخزين في كل حيد
وكل ليله بمجلس لاسقى بختها
تحلم بقربي وأنا شارد مع كل جيد
مايوم بجلس معا أولادي وفكر بها
لاراح عمري وشاب الراس مابيفيد
وصرت شيبه معاها ويش بيفيدها
شبابها راح ونا من نضرها بعيد
صابر على البعد دايم تخفي احزنها
ياخل دايم تعذبني وحبك يزيد
لاغبت مني عيوني تذرف ادموعها
حبك بدمي وهو يسري بمجرى الوريد
بعدك علي نار بتعذب بمكريبها
لاويت عندي اجازه صرت مني بعيد
ثمان ساعات ذي ضيعت من وقتها
لو كل ليله من الشهرين تخصم اكيد
شهرين راحه ولاتهنه بمحبوبها
بتنضره كل ليله تحسبه يستعيد
من ذكرياته ووعده بتصاله لها
بيقول بجلس وهو بالكذب يوعد وعيد
في هاتفه كم توعد مايفرط بها
خلاص بجلس معاها وحتفظ برصيد
ذي خضتها تجربه فاشله ولا عيدها
با عوضه كل ذي فاته وربي شهيد
.ذي راح بنساه وثبت انني قدها
هذا خطابي ونا ماقلت غير المفيد
ماجبت شي من خيالي تجربه خضتها
وتحياتي لكل مفترب يوعد ويخلف
أبو حمدان اليافعي
